“Bavariya” yeni mövsümə hazırlıq çərçivəsində avqustun 3-də “Tottenhem” ilə sınaq matçı keçirəcək.

Maraqlıdı ki, münhenlilərin hücumçusu Harri Keyn keçmiş komandasına qarşı oynaya bilməyəcək. Təcrübəli futbolçu İngiltərə yığması ilə Avropa çempionatında iştirak etdiyi üçün istirahətə yollanıb.

“Bavariya”nın yeni baş məşqçisi Vensan Kompani Keynin mövsümə hazırlıq prosesində iştirak etmədiyini bildirib. 31 yaşlı futbolçudan başqa Alfonso Deyvis, Dayo Upamekano və Kinqsli Koman da bir müddət komanda ilə birgə olmayacaqlar.