''Luqano'' səddini uğurla aşan ''Fənərbaxça'' Çempionlar Liqasında 3-cü təsnifat mərhələsində Fransanın iddialı təmsilçisi ''Lill'' ilə qarşılaşacaq.

İlk oyun avqustun 6-da Fransada, cavab oyunu avqustun 13-də İstanbulda keçiriləcək. Bu arada ''Fənər'' bu duel üçün UEFA-da olan iştirak ərizəsində iki dəyişiklik edib. Bundan əvvəlki mərhələdən fərqli olaraq bu dəfə Rayan Kent ilə Fredin adı iştirak ərizəsindən çıxarılıb.

Kent əlinə düşən son fürsətdən də yararlana bilmədi. Belə ki, ingiltərəli vinger ''Luqano''ya qarşı ilə görüşdə start heyətində meydana çıxsa da, çox zəif təsir bağışladı. Onun komandadan ayrılacağı gözlənilir. Fred isə zədə üzündən 3-4 həftəliyə sıradan çıxıb. Bu futbolçuların yerinə iştirak ərizəsinə uyğun olaraq Miha Zayts ilə yeni transfer Yussef Ən-Nəsirinin adı daxil edilib.

Bundan başqa əvvəlki mərhələdə adı ərizədə olmayan Cengiz Ündər, Samet Akaydın, Ləvənt Mərcan, Luan Peres, Miguel Krespo və Əmrə Morun adı bu dəfə də iştirak ərizəsindən kənar qalıb.

Qeyd edək ki, ''Fənər''in ilk oyunun başlamasına 24 saat qalana qədər heyətdə 2 dəyişiklik etmək haqqı var.

ƏLİ