“Bir neçə ildi ki, "Səbail"in aşağı yaş qruplarında çalışırdım. Şahin Diniyev tərəfindən etimad göstərildi, onun sayəsində bu posta təyin olundum. Uzun müddətdi klubda olduğumdan, təklif gələndə müsbət yanaşdım. Komanda bizə yad deyil, burda işləməkdən məmnunam. Əvəzedici heyətin əsas məqsədi bu il perspektivli, gənc futbolçuları heyətə cəlb etməkdi. Bu il ötənilkindən fərqli olacaq. Buna nə dərəcədə nail olub-olmayacağımızı zaman göstərəcək. İmkanlarımız daxilində, nəyə gücümüz çatırsa, edəcəyik. Elə futbolçular var ki, maraqlarımıza uyğundu, amma başqa komanda ilə müqaviləsi olduğuna görə gətirə bilmirik. Kimisi də bəzi səbəblərdən dolayı bizdən ayrılıb. Bu elə mövzudu ki, məşqçi istəyinə yüzdəyüz nail ola bilmir. Futbolçuları çağıranda ya gəlmir, ya da başqa klubla müqaviləsi olur deyə, hər şey tam bizlik də deyil. Bacardığımız qədər çalışmışıq ki, daha perspektivli futbolçuları cəlb edək, onları əsas komandaya təklif edə bilək. Seçim şansımız çox olsun. Nə dərəcədə istəyimizə çatacağımızı zaman göstərək”.