“Bəli, klubdan ayrıldım. 2016-cı ildən “Səbail”dəydim. Həm futbolçu kimi aşağı liqada çempion olub premyer-liqaya yüksəldik, həm də əvəzedicilərlə çempion olmuşdum. Ümumilikdə 8 ildi “Səbail”dəyəm, klub mənə çox doğma idi. Ayrılmaq çətin oldu. Amma infrastruktur dəyişikliyi, həm də büdcənin çox aşağı düşməsi belə qərara gəlməyimə səbəb oldu. Həm klub rəhbərliyi, həm Şahin Diniyev həmişə mənə gənc məşqçi olduğum üçün dəstək göstərib. Yəni hər dəfə yeni şeylər öyrənməyə çalışmışam. “Səbail”də olduğum müddətdə UEFA-nın B və C, sonuncu ildə isə A lisensiyasını almışam. Buna görə klub da mənə dəstək olub. Kurslara qatılmağıma, inkişafıma kömək etdilər. Bir-iki təklif almışam. Amma hələ ki məni qane edəni yoxdu. İstədiyim təklifi gözləyirəm. Həm inkişaf etmək, həm də gələcəyim üçün doğru addım ata bilim”.