Son günlər Vinisius Junior ilə bağlı maraqlı xəbərlər yayılıb.

“Mançester Yunayted”in “Real”ın vingerini heyətinə qatmaq istədiyini Böyük Britaniya mətbuatı iddia edir. Deyilənə görə, İngiltərə klubu 23 yaşlı futbolçuya ümumi illik qazancı 200 milyon avro olan 5 illik müqavilə təklif edib.

Vinisius “Real”a 2018-ci ilin iyulunda “Flamenqo”dan keçib. O, ötən mövsüm bütün turnirlərdə 39 oyuna çıxıb, 24 qol vurub və 11 məhsuldar ötürmə edib.