“Qızıl Samba” mükafatının 2023-cü il üçün qalibi müəyyənləşib.

"Football-plus.az" xəbər verir ki, bu nominasiyada Vinisius Junior 1-ci olub.

“Real”ın hücumçusu sona çatmaqda olan ildə ən yaxşı braziliyalı futbolçu seçilib. O, “Sambafoot” nəşrinin keçirdiyi sorğuda “Əl-Hilal”ın hücumçusu Neymarı və PSJ-nin müdafiəçisi Markinyosu qabaqlayaraq ilk dəfə qalib adını qazanıb. Neymar son üçdə bu mükafatın sahibi olmuşdu. Qeyd edək ki, “Qızıl Samba” 2021-ci ilə qədər Avropada çıxış edən ən yaxşı braziliyalı futbolçuya təqdim edilirdi. Həmin ildən səsvermədə bütün dünya üzrə braziliyalı oyunçular arasından seçim edilir.

Yeri gəlmişkən, Vinisius bu mövsüm bütün turnirlərdə 13 oyuna çıxıb, 6 qol vurub və 4 məhsuldar ötürmə edib.