Dortmund “Borussiya”sından ayrılan Mats Hummels “Bolonya”ya keçə bilər.

“Football-plus.az” xəbər verir ki, bu barədə tanınmış insayder Fabritsio Romano məlumat yayıb. O, İtaliya klubunun 35 yaşlı müdafiəçiyə rəsmi təklif göndərdiyini bildirib. “Bolonya”nın baş direktoru Klaudio Fenuççi bu xəbəri “Hummelsin qərar verməsini gözləyirik. Ona layihəmizi təqdim etmişik” deməklə təsdiqləyib.

Qeyd edək ki, almaniyalı futbolçu Səudiyyə Ərəbistanı klublarından təkliflər alsa da, Avropada çıxış etmək istədiyini bildirib.