“2-ci oyuna qələbə üçün çıxacağıq” – tarixi qolun müəllifi
Məlum olduğu kimi, “Sumqayıt” Konfrans Liqasının matçından məğlub ayrıldı.
Hər halda, “Mehdi Hüseynzadə”də keçirilən oyunda Səbuhi Abdullazadə tarixi qola imza atdı. O, “Sumqayıt”ın avrokuboklarda ilk qolunun müəllifi kimi klub tarixinə düşdü.
Səbuhi oyunla bağlı düşüncələrini “Football-plus.az” ilə bölüşdü:
“Hesabı biz açdıq. Amma sonra azlıqda qalmağımız nəticəyə təsir etdi. Qol vurmağım yaxşı hiss idi. Həmin vaxt keçirdiyim qürur hissini sözlə ifadə edə bilmərəm. Lakin əsas olan komandanın qazanması idi... Hələ şansımız var. 2-ci oyuna qələbə üçün çıxacağıq. Qələbə üçün əlimizdən gələni edəcəyik. Ümid edirəm ki, sonda sevinən tərəf biz olarıq”.
RÖYANƏ OĞUZ
Digər xəbərlər
