“Özümü evdəki kimi hiss edirəm” – bərabərlik qolunun müəllifi
Hazırda Türkiyədə olan “Araz-Naxçıvan” iyulun 16-da ilk yoxlama oyununu keçirdi və “Alanyaspor” ilə heç-heçə etdi – 1:1.
Naxçıvanlıların yeganə qolunu vuran Felipe Santos köhnə tanışlarındandı. Əvvəllər də onunla “Qəbələ”də də birgə çalışıb. Bəs braziliyalı yarımmüdafiəçi “Araz-Naxçıvan”da özünü necə hiss edir?
Santos yeni komandası ilə bağlı fikirlərini “Football-plus.az” ilə bölüşdü:
“Özümü evdəki kimi hiss edirəm. Klubda çox insanı, oyunçuları, məşqçiləri və rəhbərliyi tanıyıram. Onlar mənə bütün sərbəstliyi verirlər ki, mümkün qədər tez uyğunlaşım. Son dəqiqələrdə qol vurmağı bacardım, bu, yalnız başlanğıcdı, mövsümü inanılmaz etmək üçün hər şey edəcəyəm”.
Yarımmüdafiəçi hazırlıqlardan da söz açdı:
“Hazırlıq çox yaxşı gedir. Böyük intensivlik, çox iş var. Əminəm ki, çempionatın startına hazırlıqlı şəkildə gələcəyik. Bu, sadəcə, bütün oyunçuların bir yerdə olduğu ilk matç idi. Bilirik ki, uyğunlaşdırmanı sürətləndirmək lazımdı. Hər ötən gün möhtəşəm çempionat və gözəl mövsüm keçirəcəyimizə daha çox əmin oluram”.
RÖYANƏ OĞUZ
Digər xəbərlər
