Məlum olduğu kimi kimi Tete artıq ''Panatinaikos''un futbolçusudu.

“Football-plus.az” xəbər verir ki, ''Qalatasaray'' braziliyalı vingerin satışından 4,75 milyon avro əldə edəcək. Amma bu transferin baş tutmasından qısa müddət sonra Tete ilə bağlı qalmaqal yaşanıb. Belə ki, jurnalist Yakup Çınar ''Yeni Açık'' adlı ''yutub'' kanalında Tetenin ''Qalatasaray''la olan müqaviləsinin surətini paylaşıb. Orda yer alan şərtlər və rəqəmlər fanatlar arasında böyük müzakirələrə səbəb olub. Yakup Çınar bu müqaviləni Braziliyadakı qaynaqlarından əldə etdiyini vurğulayıb. Məlum olub ki, Tete müqavilədə qeyd olunduğu kimi 4 il klubda qalsaydı, ''Qalatasaray''da 28 milyon avro qazanacaqdı! Bundan başqa müqavilədə göstərilib ki, Tete 10 milyon avrodan yuxarı məbləğə satılacağı təqdirdə ''Cim-Bom'' pulun yarısını onun menecerinə ödəməli olacaqdı. Amma transfer 4,75 milyon avroya baş tutulduğundan Tetenin menecerinə heç nə ödənilməyəcək.

İstanbul nəhəngində ilk mövsümdə Teteyə imic haqları və bonuslar daxil olmaqla 3,3 milyon avro maaş ödənilib. Bundan başqa ona əlavə 3,1 milyon avro imza parası verilib. Düzdü, FİFA-nın cəzasını Tete özü məhz elə imza parasından ödəməli olacaq. Gizli olan bir müqavilənin ictimaiyyətə açıqlanması klub tərəfindən birmənalı qarşılanmayıb. ''Qalatasaray'' rəsmi bəyanat yayaraq həmin jurnalistin məhkəməyə veriləcəyini açıqlayıb.

Qeyd edək ki, 24 yaşlı Tete ''Qalatasaray''da ilk mövsümdə 45 rəsmi oyuna çıxaraq 3 qol, 6 məhsuldar ötürmə ilə fərqlənmişdi.

ƏLİ