“Hazırda transfer çalışmalarımız davam edir”
Hər “transfer pəncərəsi”ndə olduğu kimi, “Zirə” yenə yerli bazara üstünlük verir.
Yayılan xəbərlərə görə, qəsəbə təmsilçisinin yerli bazardan növbəti transferi Luis Paçudu. Yaxın günlərdə braziliyalı hücumçuyla ikiillik sözləşmə imzalanacaq və ictimaiyyətə təqdim olunacaq. Mövzuyla bağlı daha ətraflı məlumaq öyrənmək üçün “qartallar”ın mətbuat katibi Elmar Abdullazadə ilə əlaqə saxladıq:
“Hələ ki heç kimin keçidi gündəmdə deyil, hər hansı bir xəbər olacağı təqdirdə bu haqda ictimiayyətə məlumat veriləcək”.
Fürsət düşmüşkən, klub rəsmisindən transfer çalışmalarının yekunlaşıb-yekunlaşmadığını da soruşduq:
“Hazırda transfer çalışmalarımız davam edir. Uyğun futbolçu olarsa, transfer edəcəyik”.
Xatırladaq ki, ötən mövsümü “Turan Tovuz”da keçirən Paçu 23 oyunda 5 qol vurub.
KAMAL SƏFƏR
Digər xəbərlər
