İspaniya Kral Futbol Federasiyası milli komandanın baş məşqçisi Luis de la Fuente ilə müqaviləni yeniləməyi planlaşdırır.

Bu haqda xəbəri “AS” qəzeti yayıb.

63 yaşlı mütəxəssislə hazırkı müqavilənin müddəti 2026-cı ilin yayına qədər nəzərdə tutulub. Federasiyanın rəhbərliyi sözləşmənin müddətini 2028-ci ilə qədər uzatmağı planlaşdırır. Yayılan məlumatda komandanın AÇ-2024-ün finalındakı nəticənin buna təsir etməyəcəyi də vurğulanır.

Xatırladaq ki, De la Fuente İspaniya yığmasına 2023-cü ilin yanvarında baş məşqçi təyin olunub.Komanda onun rəhbərliyi altında bir il əvvəl Millətlər Liqasının qalibi olub.