Babel ''Qalatasaray''ın transfer siyasətini tənqid etdi
''Qalatasaray''dan ayrıldıqdan sonra 1-ci liqa təmsilçisi ''Eyupspor''a keçən Rayan Babel bir ''yutub'' kanalına diqqətçəkən açıqlamalar verib.
Football-plus.az xəbər verir ki, son 3 mövsümü İstanbul nəhəngində keçirən təcrübəli niderlandlı futbolçu İstanbul nəhənginin transfer siyasətini tənqid edib: '
'Qalatasaray'' bu yay adlı-sanlı və yaxşı karyeraya malik oyunçular transfer edib. Ümumi götürəndə heyət yaxşıdı. Amma digər tərəfdən gülməli bir durum alınır. Komanda ötən mövsümün gedişində yaşlı oyunçularla yollarını ayırmağı planlaşdırırdı. Əvvəlcə Falkao, bu yay da mən və Fequli komandadan ayrıldıq. Amma əvəzində Mertens gəlib, hansı ki, mənimlə eyni yaşdadı. Üstəlik məndən daha çox qazanır və heç kim də səsini çıxarmır. Bütün bunlar göstərir ki, klub nə istədiyini özü də bilmir. ''Qalatasaray''ın konkret planı yoxdu. Rəhbərlik günlük və ani olaraq dəyişən qərarlar qəbul edir. Bu cür idarə olunan klubların uğur qazanması, uzun müddət zirvədə qalması çətin olur. Lap bu mövsüm uğur əldə olunsa belə, gələn mövsüm nə olacaq? Çox yox, cəmi 5 il əvvəlki heyətə baxsaq, görərik ki, o komandadan indi demək olar heç kim qalmayıb. Bir klub bu cür inşa olunmur''. Xatırladaq ki, Türkiyədə ''Kasımpaşa'', ''Beşiktaş'' və ''Qalatasaray''ın formasını geymiş Babel ümumilikdə superliqada 197 oyunda 51 qol, 30 məhsuldar ötürmə ilə yadda qalıb. O, ''Beşiktaş''la çempionluq, ''Qalatasaray''la superkuboku qazanıb.
Digər xəbərlər
