Premyer-liqa klubunun rəsmisi Türkiyəyə yollanmır - səbəb?
Bilindiyi kimi, “Araz-Naxçıvan” yay təlim-məşq toplanışının ikinci mərhələsini Türkiyədə keçirir.
Plan üzrə komanda bu gün artıq Ərzuruma yola düşüb. Naxçıvan təmsilçisi yenicə Felipe Santosu rənglərinə bağladığını açıqladı. Bəs toplanışda hamı iştirak edəcəkmi?
Bu barədə ətraflı məlumat əldə etmək üçün “Araz-Naxçıvan”ın mətbuat xidmətinin rəhbəri Mahal Məmmədovla əlaqə saxladıq. O, “Football-plus.az”a açıqlamasında səfərlə bağlı bunları bildirdi:
“Komanda dünən səhər saat 11-də Bakı-Naxçıvan hava reysi ilə Naxçıvana gedib, ordan da avtobusla Ərzurumda yollanacaq. Mən isə getmədim, Bakıdan izləyəcəm. Səhhətimlə bağlı, təzyiq problemim üzündən müalicə alıram. Benni, Felipe Santos komandaya Ərzurumda qoşulacaq. Eləcə da başqa transferimiz olsa, o da düşərgəyə orda qatılacaq. Toplanışda 24 futbolçu iştirak edəcək”.
Qeyd edək ki, “qırmızı-ağlar” iyulun 11-dan 25-dək Ərzurumda toplanış keçəcək. Bu müddətdə üç yoxlama oyunu nəzərdə tutub.
RÖYANƏ OĞUZ
Digər xəbərlər
