“Oyun bizim üçün çox önəmlidi. Hər halda, söhbət Avropa Liqasının ilk təsnifat mərhələsindən gedir. Bir neçə həftədi ən yaxşı nəticəni əldə edə bilmək üçün hazırlaşırıq. İnanıram ki, qələbə qazanacağıq. Komandamızda dəyişikliklər var. Yeni futbolçular bura əqli cəhətdən hazır vəziyyətdə gəliblər. Yeganə məqsədləri “Şerif”ə kömək etməkdi. Bizim vəzifəmiz isə onlara buranın bir ailə olduğunu və güvənli klubda işlədiklərini izah etməkdi. Özlərini evlərindəki kimi hiss etmələrini istəyirik. Ümumiyyətlə, oyunçular arasında yaxşı münasibətlər var. Bu, “Zirə”ni məğlub edə bilmək üçün bizə faydalı olacaq. İnanıram ki, yanvardan iyuna qədər yaxşı olmayan nəticələri iyuldan yanvara qədər düzəldə biləcəyik”.