Türkiyənin Avstriyanı məğlub edərək AÇ-2024-ün 1/4 finalına yüksəldiyi qarşılaşmada Arda Gülər yenə inamlı oyunu ilə diqqət çəkdi.

Merih Dəmiralın vurduğu ikinci qolda gənc ulduz aktivinə məhsuldar ötürmə yazdı. Bununla da Arda Gülər 20 yaşı tamam olmadan çıxdığı ilk Avropa Çempionatında aktivinə həm qol, həm də məhsuldar ötürmə yazan 3-cü futbolçu oldu. Daha öncə bunu Kriştiano Ronaldo ilə Ueyn Runi bacarmışdı. Onların hər ikisi bu uğura AÇ-2004-də nail olmuşdular.

Arda bu turnirdə hələ ki, yeganə qolunu Gürcüstan ilə qrupun ilk oyununda vurub. Bundan başqa Avstriya ilə oyunda Arda və Kənan Yıldızın start heyətində oynaması ilə Türkiyə son 60 ildə bir ilkə imza atdı. Belə ki, ''ay-ulduzlular'' bu müddətdə AÇ-nin pley-offunda start heyətində 20 yaşı tamam olmayan iki futbolçuya yer verən ilk komandaya çevrildilər. Sonuncu dəfə bu fakta AÇ-1964-də Danimarka ilə oyunda Macarıstanın heyətində rast gəlinmişdi.

ƏLİ