Bir neçə gün əvvəl “Sumqayıt”dan ayrılan Orxan Sadiqlı hələ özünə yeni klub tapa bilməyib.

Sonuncu dəfə saytımıza verdiyi müsahibədə bir neçə klubla danışıq apardığını desə də, görünür, tərəflər onun xidmətində o qədər də maraqlı deyil. Maraqlı məqam isə qolkiperə “Kəpəz”dən də gözlənilən təklifin gəlməməsi olub.

Belə ki, Adil Şükürov onu sərəncamında görmək istəsə də, hələ səs-soraq yoxdu. Axı Orxan bizimlə danışanda “Kəpəz”ə qayıtmağa həvəsli olduğuğu, “klub dəvət göndərsə, çox danışıq etmərəm, qayıdaram” demişdi. Fəqət Gəncə təmsilçisi tələsmir. Hər halda, növbəti mövsüm üçünhazırlığa qərar verən “sarı-göylər” də, elə Sadiqov da vaxtında qərar verməlidi.

Son durumu öyrənmək üçün Orxanla əlaqə saxladıq. Onun “Football-plus.az”a cavabı isə “hələ bir xəbər yoxdu, gözləyirəm” oldu.

Qeyd edək ki, 31 yaşlı qapıçı ötən il “Kəpəz”dən “Sumqayıt”a transfer olunmuşdu.

RÖYANƏ OĞUZ