"Beşiktaş" superliqanın 2024/25 mövsümü üçün transfer işlərini davam etdirir.

“Football-plus.az” xəbər verir ki, hücum xəttini gücləndirmək istəyən Türkiyə təmsilçisinin siyahısına Anxel Di Mariya başçılıq edir. Klub rəhbərliyi tezliklə argentinalı ulduzu heyətə qatmaq üçün şərtlər irəli sürəcək.

Türkiyə mətbuatı "Benfika"dan ayrılan Di Mariyanın Səudiyyə Ərəbistanından gələn təkliflərlə maraqlanmadığını və "Beşiktaş"ın təcrübəli futbolçuyla əlaqə qurduğunu bildirir. Prosesin mərkəzində olan şəxslər isə klubun məsləhətçisi Bred Fridel və vitse-prezident Hüseyn Yücəldi.

Ötən mövsümü "Benfika"da keçirən Di Mariya 49 matçda 17 qol, 15 məhsuldar ötürmə müəllifi olub. Argentinalı karyerası ərzində "Real", "Mançester Yunayted", PSJ və "Yuventus" kimi nəhəng klubların formasını geyib.

KƏNAN BAHADIR