"İmişli"nin sabiq baş məşqçisi Əsgər Abdullayevin uğurlu olacağına inanır? - AÇIQLAMA
İki gün öncə "İmişli"də yeni baş məşqçinin adına aydınlıq gəldi. Bundan sonra bölgə təmsilçisini Əsgər Abdullayev çalışdıracaq.
Yığmamızın sabiq baş məşqçisinin köməkçiləri tam dəqiqləşməyib. Yalnız sabiq çalışdırıcı Ruhid Usubovun məşqçilər korpusunda yer alacağı bəllidi. Gənc mütəxəssis "Football-plus.az" saytına açıqlamasında yeni baş məşqçi təyinatını dəyərləndirdi:
"Ötən mövsüm çox əziyyətlər çəkdik. İndiki vəziyyətə çatmaq üçün enişli-yoxuşlu yollardan keçdik. Şükürlər olsun ki, artıq yeni sponsorumuz var. Ona görə hazırda bütün istiqamətlərdə böyümək, inkişaf etmək istəyirik. Əsgər müəllim yetərincə təcrübəli və özünü doğrultmuş mütəxəsisdi. Onun "İmişli"ni də zirvələrə daşıyacağına inanıram. Mən də köməkçi məşqçilər sırasında yer alacam. Əsgər müəllimin rəhbərliyi altında çox şeylər öyrənəcəm".
ABDULLA İSMAYILOĞLU
