Vurğun Hüseynov “Kəpəz”dən gedir? - özü açıqladı
“Kəpəz” bir neçə futbolçu ilə yeni müqavilə imzalasa da, bəziləri ilə yollarını ayırıb.
Gəncə klubunun ötən il heyətinə cəlb etdiyi futbolçu Vurğun Hüseynovla bağlı hələ qərar yoxdu. 36 yaşlı müdafiəçinin Adil Şükürovun planlarına daxil olub-olmaması məlum deyil. Bəs o, karyerasını harda davam etdirəcək?
Vurğun Hüseynov “Football-plus.az”a açıqlamasında bu məsələ barədə bunları dedi:
“Yaxın günlərdə Adil Şükürovla görüşəcəm. Ondan sonra qalıb-qalmayacağım bilinəcək. Başqa heç bir təklif yoxdu. Bildiyiniz kimi, artıq karyeramı bitirmişəm. Amma “Kəpəz”də təcrübəli futbolçu kimi qala da bilərəm. Bunu zaman göstərəcək. Demək olar ki, son mövsümdə heç oynamadım. Komandanın içində oldum, kollektivin formalaşmağına kömək etdim. Yenə təcrübəli biri kimi komandanın içində ola bilərəm. Amma dəqiq deyil, yaxın vaxtlarda bilinəcək”.
Təcrübəli futbolçu klubun maliyyə durumu ilə bağlı sualımıza belə cavab verdi:
“Bəli, maaşlar verilib, sadəcə, bir ayımız qalıb. O pul isə AFFA-dan pul köçürülən kimi ödəniləcək”.
RÖYANƏ OĞUZ
