“Yeni stadion tikmək planlarımız var. Ancaq Bakıda yox, paytaxt ətrafında olacaq. 15 min yerlik əsas, bir köməkçi və 2-3 minlik meydan nəzərdə tutulub. Hələ ki stadionun tikiləcəyi yerə baxılır. Bakı kənarında uyğun yerləri gözdən keçiririk ki, o yerlərdə torpaq sahəsi alınsın. Bilindiyi kimi, biz klubu iki aydı almışıq. Onda komanda Abşeron Olimpiya Kompleksində məşq keçirdi ki, ora da oyunçuların gedib-gəlməsi, məşq etməsi üçün rahat deyildi. Şəraiti daha yaxşı olduğuna görə "ASKArena"ya keçdik. 2 ay ərzində komandamız orda məşq etdi. Gələcəkdə öz stadionumuz hazır olana qədər ev oyunlarını və məşqlərimizi orda keçirməyə qərar vermişik. Bununla bağlı artıq stadionla da razılığa gəlmişik. Onu da bildirim ki, stadionu xarici şirkət tikəcək. Maksimum iki il ərzində tam hazır olacağı planlaşdırılır”.

“Strategiyamız ümumi futbolun inkişafına yönəlib. Yəni fərqi yoxdu ki, 2-ci liqada və ya Region Liqasında mübarizə aparacağıq. Klub tərəfindən ümumi inkişaf planı qarşıya qoyulub. Və bunu AFFA-ya təqdim etmişik. “My Group Holdinq” olaraq, klubu iki aydı himayəyə götürmüşük. Bir çox borcları da tərəfinizdən bağlanıb. Bunları əsas göstərərək və sponsor amilinə görə 2-ci liqada qalmaq üçün müraciət etmişik. Region Liqasında qalsaq, bir il itərəcəyik. O zamanı itirməmək üçün 2-ci liqada qalmaq istədiyimizi quruma bildirmişik. Həmçinin buna görə əsaslar da gətirmişik. Komandada çoxlu dəyişiklik edildi, heç bir futbolçunun və ya məşqçinin ödənişi qalmadı. Yəni bütün borclar ödənildi. Stadion tikintisini də bildirərək, xahişimizi AFFA-ya ünvanlamışıq. Alınmasa belə, Region Liqasında bu işlər görüləcək. Hələ cavab verilməyib. Dəqiq vaxt da bilmirik. Ümumi plan uşaq futbolunun inkişafı, qadın futbolçuların yetişməsi, yəni müasir təlim-məşq toplanışına uyğun komanda qurmaqdı. Artıq klubun bütün oyunçuları, məşqçilər heyəti buraxılıb. Harda mübarizə aparmağımızdan asılı olmayaraq, mövsümün startına az qalmış yeni heyət quracağıq”.