2-ci liqa iştirakçısı “Şəfa” mövsüm ərzində uğursuz çıxışlarla yadda qaldı.

Hazırda 18 xalla turnir cədvəlinin 13-cü pilləsində qərarlaşan komanda mövsümü bu sırada başa vursa, Region Liqasının final matçında məğlub olan kollektivlə pley-of matçlarında qarşılaşacaq. Bakılılar uduzacağı təqdirdə 2-ci liqanı tərk edəcək.

“Football-plus.az”ın əldə etdiyi məlumata görə, bu ərəfədə klubda ciddi dəyişikliklər baş verib. Belə ki, sponsor “AGAH Group” başqa sponsorla, yəni “MY Group Holding”lə əvəzlənib.
Yeni sponsorun məqsədi “Şəfa”nın daha böyük büdcəylə əvvəlki əzəmətini geri qaytarmasıdı. Təbii ki, bunun üçün klub əvvəl “çulunu sudan quru çıxarmalıdı”.

Qeyd edək ki, Bakı təmsilçisinin icraçı direktoru Cavid Nəzərov məlumatı “Football-plus.az”a təsdiqləyib.

KƏNAN BAHADIR