“Planların tezliklə həyata keçməsi yönündə çalışırıq. İlk məqsəd Region Liqasında çıxış etməkdi. Bunun üçün lazımi öhdəlikləri yerinə yetirəcəyik. Ümid edirik ki, müraciətimiz müsbət qarşılanacaq. Hələ heyət tam formalaşmayıb. İyunda seçimlər baş tutacaq və baş məşqçi təyin olunacaq. Mövsümün başa çatmasını gözləyirik. İşlərimiz uğurlu alınsa, növbəti ildə 1-ci divizionda, daha sonra isə premyer-liqada iştirak etmək istəyirik. 2-3 il vaxt var. Bu zaman çərçivəsində bütün işləri həll etməliyik. Stadion seçimi, təbii ki, “ASK Arena” olacaq. “Şəfa”nı evinə qaytaracağıq.

Planlların sürətlənməsi üçün maliyyə kifayət etmir. Bəzi problemlər yaşanır. Qısa zamanda bunun öhdəsindən gəlmək niyyətindəyik. Hazırda aşağı yaş qruplarının formalaşdırılması istiqamətində işlər davam edir. Ümid edirəm ki, nəzərdə tutulan müddətdə planlar reallaşacaq və bir neçə il sonra “Şəfa” premyer-liqada sözünü deyən komandalardan biri olacaq”.