“Hər matça qalibiyyət üçün çıxmalıyıq”
Sabah millimiz Macarıstanın Sombatxey şəhərindəki “Haladas SportKomplexum” stadionunda Qazaxıstanla qarşılaşacaq.
“Football-plus.az” xəbər verir ki, oyundan öncə komandamızın kapitanı Emin Mahmudov mətbuat konfransında iştirak edib. Sizi onun fikirləri ilə tanış edirik:
“Bizi yaxşı rəqiblə oyun gözləyir. Qazaxıstan yığması müdafiədə yaxşı oynayır, sürətli əks-hücuma keçir. Son illər inkişaf ediblər. İki il əvvəl onlarla qarşılaşmışdıq. Eyni səviyyədə oyunu göstərmək və qələbə qazanmaq istəyirik. Milli komandanın forması altında hər matça qalibiyyət üçün çıxmalıyıq. Sabahkı görüşdə də azarkeşlərimizi qələbə ilə sevindirmək istəyirik”.
Digər xəbərlər
