Sabah Avropa Liqasının 2-ci turunda "Qarabağ" "Həkken"lə qarşılaşacaq.

"Football-plus.az" xəbər verir ki, matçdan öncə ağdamlıların futbolçusu Abdullah Zubir mətbuat konfransında iştirak edib. Sizi onun fikirləri ilə tanış edirik:

"Həftəboyu yaxşı hazırlaşmışıq. "Hekken" çox yaxşı komandadı. Çox yaxşı oyun qururlar. Sürətli, keyfiyyətli oyunları var. Amma bütün bunlara baxmayaraq, bura inamlı gəlmişik. Azərbaycana xoş nəticə ilə qayıtmaq istəyirik. "Qarabağ" böyük klubdu. Böyük klub da təzyiq deməkdi. Ona görə bunu dərk edirik. Bilirəm ki, bizim komandadan gözləntilər yüksəkdi. Hamı yaxşı nəticə gözləyir. Məşqlərdə həmişə səylə çalışıram. Təbii ki, inkişaf etmək niyyətindəyəm. Komanda olaraq azarkeşlərimizi sevindirməyə çalışırıq. Əlimdəm gələni edirəm ki, yerimdə saymayım".