“Çelsi”dən istefaya göndərilən Maurisio Poçettino İngiltərədə qala bilər. Argentinalı mütəxəssisin növbəti mövsümdən “Mançester Yunayted”i çalışdırmaq imkanı var.

Son xəbərlərə görə, “Mançester Yunayted” yaxın günlərdə Erik ten Haqı istefaya göndərmək istəyir. “Qırmızı şeytanlar”ın baş məşqçi vəzifəsinə əsas namizədin Poçettino olduğu iddia edilir. Argentinalı mütəxəssis karyerasına fasilə vermək niyyətində deyil və İngiltərə premyer-liqa klublarından təkliflər gözləyir.

Ten Haq MY-ni 2022-ci ilin yayından çalışdırır. Onun komandası son mövsümdə premyer-liqada 8-ci yeri tutub və ölkə kubokunu qazanıb.