Maurisio Poçettinonun PSJ-nin baş məşqçi vəzifəsini tərk edəcəyi həll olunmuş məsələdi.

Lakin ortaya problem çıxıb: Fransa klubu onunla müqaviləyə vaxtından əvvəl xitam verilməsi şərtləri ilə bağlı razılığa gələ bilmir. Goal.com portalının məlumatına görə, argentinalı mütəxəssis müqavilə üzrə komandanı daha iki il müddətində çalışdırmaq hüququna malikdi. Paris klubu isə onu yeni mövsüm başlamazdan əvvəl istefaya göndərmək qərarına gəlib. Lakin Poçettino müqaviləni vaxtından əvvəl ləğv etdikdən sonra ona çatmalı olan təzminatın tam ödənilməsini tələb edir. PSJ rəhbərliyi isə təzminatın məbləğini bir qədər aşağı salmağa çalışır.

Poçettino PSJ-ni 2021-ci ilin yanvarından çalışdırır. Yaxın vaxtlarda onun yerini “Nitsa”nın çalışdırıcı Kristof Qaltyenin tutacağı gözlənilir. Amma PSJ ilk növbədə argentinalı ilə razılığa gəlməlidi.