“Çelsi”nin əksər azarkeşlərinin Maurisio Poçettinodan narazı olduğu məlum idi. Sən demə, onu bəzi futbolçular da baş məşqçi vəzifəsində görmək istəmirlər.

Yerlimənbələrə görə, Komandanın bir neçə futbolçusu Poççettinonun istefaya göndərilməsini istəyir. İngiltərə çempionatının 30-cu turunun “Bernli” ilə oyunundan (2:2) sonra “Çelsi”nin bir sıra futbolçuları klub rəhbərliyi ilə danışıb və bosslara məşqçidən narazılıqlarını bildiriblər. Onlar rəhbərliyə açıq şəkildə argentinalı mütəxəssisin istefaya göndərilməsini istədiklərini deyiblər. Amma klubun başbilənlərinə müraciət edən oyunçuların adları açıqlanmır.

Poçettino “Çelsi”ni” 2023-cü ildən çalışdırır. Onun klubla müqaviləsinin müddəti 2025-ci ilin yayına qədərdi. Komanda hazırda İngiltərə çempionatında 40 xalla 11-ci yeri tutur.