Fabio Kannavaronun “Udineze”dəki fəaliyyəti çox da çəkməyib.

“Football-plus.az” xəbər verir ki, İtaliya klubu baş məşqçi ilə yolları ayırıb. Bu barədə 50 yaşlı mütəxəssis özünün sosial şəbəkə hesabında yazıb. Onunla müddəti bu ayın sonunda başa çatacaq müqavilə yenilənməyib.

Xatırladaq ki, Kannavaro “Udineze”yə aprelin 22-də baş məşqçi təyin olunmuşdu. Komanda onun rəhbərliyi altında A seriyasında 15-ci yeri tutmaqla bu liqadakı yerini qoruyub.