Rusiyalı tennisçi Mirra Andreyeva Fransa vətəndaşlığı ala biləcəyi ilə bağlı informasiyanı təkzib edib.

“Football-plus.az” xəbər verir ki, xatırladaq ki, iyulun 13-də “Tennis World USA” 16 yaşlı idmançının Fransa vətəndaşlığını almağı planlaşdırdığını xəbər vermişdi: “Bu yazı qaynaq kimi ailəmizə heç bir bağlılığı olmayan adamın tvitindən yararlanan əcnəbi tennis saytlarından birində yer alıb. Media dərhal agentimlə əlaqə saxlayıb, xəbərin həqiqətəuyğun olmadığını öyrənib. Vətəndaşlığımı dəyişməyi planlaşdırmıram. Tətil vaxtı evdə - Krasnoyarskda olacam”.

Mirra onu da qeyd edib ki, 2021-ci ilə qədər Krasnoyarsk, Soçi və Moskva arasında yaçayıb. Məşq prosesi isə əsasən Fransa ilə bağlıdı, bu ölkəyə adi tələbə vizası ilə baş çəkir. Hazırda WTA reytinqinin 62-ci pilləsində qərarlaşan Andreyeva bu il “Rolan Qarros”da 3-cü, “Uimbldon”da isə 4-cü mərhələyə qədər irəliləyib. Bunlar hələ ki onun “Böyük dəbilq” turnirlərindəki ən yaxşı nəticələridi.

Bu arada Naomi Osaka da gələcəyi ilə bağlı açıqlama verib. İyulun 11-də qızı dünyaya gələn yapon tennisçi tezliklə korta dönmək istəyir: “Heç vaxt düşünmürdüm ki, ana olandan sonra yarışlara dönəcəm. Ancaq hiss edirəm ki, bu, mənim üçün sehirli məqamdı. Həqiqətən yorulmadan çalışmaq istəyirəm. Üç yaşımdan tennis oynayıram, bu idman növünə ayırdığım vaxtdan ləzzət almaq istəyirəm”.
Həm “Australian Open”, həm də “US Open” turnirinin ikiqat qalibi olan 25 yaşlı Osaka məhz hamiləliyə görə yarışlarda iştirakı dayandırmışdı.