“Hazırda “Neftçi”nin vəziyyəti qeyri-müəyyəndi. Bildiyiniz kimi, komanda 2023024 mövsümündə fiaskoya uğradı. 2023-ün yayından başlayan qarışıq, müəmmalı qərarlar son nəticədə mövsümün sonunda bizi kuboksuz, medalsız və avrokuboklara vəsiqəsiz qoydu. Baxmayaraq ki , klubun hər cür şəraiti var idi. Klub nümayəndələrinin fikrincə, dəyişiklik gözlənilir, yeni mövsüm üçün yeni sistem, struktur və hədəflər qoyulacaq. Hazırda azarkeşlər gözləmə mövqeyindədi. Əsas məsələ tələsik oyuncu transferi deyil, dağılmış klubu bərpa etməkdi. Sistem qurulmalı, qarşıdakı illər üçün hədəflər təyin edilməlidi. Ən azı azarkeşlərə bildirilməlidi. Daha sonra o hədəflərə uyğun olaraq klub əməkdaşları yığılmalı, baş məşqçi gətirilməli, ona verilən hədəflərə uyğun komanda formallaşmalı və yeni mövsümə hazırlıq getməlidi. Bunlar olmasa, yenə də ötən mövsümdəki kimi xaotik yanaşma və mənfi nəticələr üzündən üzgün olacağıq. Ümid sonda ölür, yenə də komandamızın yanındayıq və düzgün peşəkar qərarları gözləyirik”.