Minifutbol millimiz Bosniya və Hersoqovinanın paytaxtı Sarayevoda keçirilən Avropa çempionatında bu gün 1/8 final matçına çıxıb.

"Football-plus.az" xəbər verir ki, komanda Bolqarıstanla qarşılaşıb. Hesabı yığmamız açıb. Ramiz Çovdarov cərimə zərbəsindən fərqlənib. Ancaq birinci hissədə rəqib hesabı bərabərləşdirməyi bacarıb 1:1. İkinci hissə isə millimizin üstünlüyü şəraitində keçib. Əvvəlcə Təmkin Xəlilzadə, daha sonra isə Rəvan Kərimovun qolları ilə futbolçularımız rəqibi 3:1 hesabı ilə məğlub ediblər.

Qeyd edək ki, milli qrup mərhələsində keçirdiyi bütün matçlarda qələbə qazanıb. Komanda Belçikanı 3:0, İtaliyanı 2:1, Fransanı isə 3:1 hesabı ilə məğlub edərək 1/8 finala maksimum nəticə ilə yüksəlib.

5 iyun
19.30. Azərbaycan – Bolqarıstan 3:1