PSJ-nin hücumçusu Kilian Mbappe yalnız o halda “Real”a keçməyə razıdı ki, Madrid klubu komanda yoldaşı, müdafiəçi Əşrəf Hakimini də alsın.

“Todofichajes” nəşrinə inansaq, “Real” rəhbərliyi artıq fransalı ulduzun istəyindən xəbərdardı və bu iki transferi birgə nəzərdən keçirməyə hazırdı.
Hakimi “Real”ın yetirməsidi, 2015-20-ci illər aralığında bu komandanın sistemi üzrə çalışıb. Mərakeşlinin Paris klubu ilə müqaviləsi 2026-nın yayına qədərdi. “Transfermarkt” onu 70 milyon avroya dəyərləndirir.

Xatırladaq ki, 2022-nin yayında Mbappenin azad agent kimi “Real”a keçmək imkanı var idi. Bununla belə, ulduz son anda fikrindən daşındı və PSJ ilə müqavilə müddətini uzatdı. 24 yaşlı hücumçunun klubla müqaviləsi 2025-ə qədərdi.