Gəncə təmsilçisinin Misli premyer-liqasının 26-cı turunda “Neftçi”ni Tovuzda, 28-ci turda “Qarabağ”ı “Tofiq Bəhramov”da qəbul edəcəyini xəbər vermişdik. Bəs qalan ev oyunlarının ünvanı haradı?
“Kəpəz”in icraçı direktoru İlqar Nadiri “Football-plus.az”ın sualını cavabladı:
“Növbəti ev oyunlarımızı keçirəcəyimiz stadion hələ ki bəlli deyil. Bu yöndə müzakirələr davam edir. Axtarışdayıq”.
Klub rəhbəri “sarı-göylər”in “Qəbələ”dən 11 xal öndə olmasını da şərh etdi:
“Rəqiblərin yox, öz oyunumuza fikir veririk. Əsas məsələ komandamızın çıxışıdı. Qələbələr qazanmağa köklənmişik. Rəqibləri düşünmədən yolumuza davam etməliyik”.
KƏNAN BAHADIR
