''Ankaragücü''də Əmrə Belözoğlu dönəmi fiasko ilə başa çatdı.

“Football-plus.az” xəbər verir ki, məlum olduğu kimi paytaxt təmsilçisi son turda Trabzonda dramatik şəkildə uduzaraq elitada yerini qoruya bilmədi. Klub və məşqçi işbirliyini dayandırmaq qərarına gəlib. ''Ankaragücü'' Əmrəyə təşəkkür edərək ona gələcək fəaliyyətində uğurlar arzulayıb. Daha öncə ''Fənərbaxça'' və ''İstanbul BŞ''ni çalışdırmış 43 yaşlı Belözoğlu geridə qoyduğumuz mövsüm 8-ci turdan etibarən ankaralıların başına keçmişdi. Komanda ölkə kubokunda ''Fənərbaxça''nı mübarizədən kənarlaşdıraraq yarımfinala qədər irəliləməsi ilə diqqət çəkmişdi. Amma komanda superliqada ikinci dövrədə zəif təsir bağışlayaraq 19 oyunun cəmi 4-də qalib gəldi və tarixində 6-cı dəfə elita ilə vidalaşmalı oldu. ''Ankaragücü'' Əmrə Belözoğlunun başçılığı altında keçirdiyi 31 superliqa matçından 7 qələbə, 13 heç-heçə, 11 məğlubiyyətlə ayrılmış oldu.

ƏLİ