“Şans da, nəticə də bizdən yana olacaq” - “Araz-Saatlı”nın prezidenti
“Araz Saatlı” aşağı diviziona düşməmək üçün 2-ci liqada ikinci yeri tutan “Cəbrayıl” ilə pley-off matçları keçirməlidi.
Bəs “Araz Saatlı” bunun üçün hazırlığa başlayıbmı? Klub prezidenti Ədalət Abdullayevin fikirlərini öyrəndik:
“Nəhayət, Peşəkar Futbol Liqası gözlədiyimiz xəbəri verdi. Bu gün 15.00-da PFL-də tərəflərlə birgə görüş baş tutacaq. Yəqin ki, pley-off oyunun qaydaları, şərtləri, ilk oyunda meydan sahibi və cavab matçında kim olacaqsa, dəqiqləşdiriləcək. Gözləntilərimiz böyükdü. Çalışacağıq ki, 1-ci liqada qalaq. Komandamız srağagün məşqlərini bərpa edib. Bütün klub pley-offa köklənib. İnanırıq ki, şans da, nəticə də bizdən yana olacaq”.
Yeri gəlmişkən, dünən növbəti mövsüm 2-ci liqada oynamaq üçün pley-offun ilk oyunu keçirilib. 2-ci liqada 13-cü yeri tutan “Şəfa” Region Liqasının finalçısı “Hypers”ə 0:2 hesabıyla uduzub. Cavab görüşü iyunun 5-də keçiriləcək.
RÖYANƏ OĞUZ
Digər xəbərlər
