Səudiyyə Ərəbistanı Pro Liqasının 34-cü turunun “Əl-İttihad”a qarşı matçında (4:2) dubl edən “Əl-Nəssr”in üzvü Kriştiano Ronaldo yeni rekorda imza atıb.

“Football-plus.az” xəbər verir ki, 35 yaşlı futbolçu dörd fərqli ölkənin çempionatında ən çox qol vuran futbolçu kimi tarixə düşüb. 35 qolla Səudiyyə Ərəbistanı çempionatının bombardiri olan Ronaldo daha əvvəl üç dəfə İspaniya, İtaliya və İngiltərə çempionatlarında da ən çox qol vuran futbolçuların siyahısına başçılıq edib.