"Avrokuboklar bitəndən sonra heyətdə bəzi dəyişikliklər oldu. Bəzi amerikalı legionerlərlə sağollaşmalı olduq və yeni məşqçi gətirdik. Liqanın əvvəlində bəzi oyunlarda məğlub olsaq da, Rimas Kurtinaytisin gəlişi ilə komandada dönüş baş verdi. Nəticədə biz daha da gücləndik. Finalda Murat Dikmənin rəhbərlik etdiyi, yeni yaranmış "Xəzri" ilə qarşılaşdıq. Çox gözəl komandadı. Final seriyasının birinci oyununda böyük fərqlə məğlub olduq. Onun da səbəbi iki basketbolçumuzun - Əlkamran Məmmədovla Endər Poladxanlının oyunu buraxması idi. Amma sonrakı oyunlarda dəyişiklik baş verdi və qələbələr qazandıq. Rimas Kurtinaytis avrokuboklar üçün yeni oyunçuları nəzərdən keçirəcək. Ola bilər ki, kollektivdə dəyişikliklər olsun. Bu barədə danışıqlar gedir. İnşallah, tezliklə açıqlanacaq".