"Qələbənin açarı müdafiədədi" - Rimas Kurtinaytis
“Bu gün komanda olaraq yaxşı mübarizə apardıq”.
"Football-plus.az" xəbər verir ki, bunu “Sabah” basketbol klubunun baş məşqçisi Rimas Kurtinaytis deyib.
Litvalı mütəxəssis final seriyasının 2-ci matçında “Xəzri” üzərində qazanılan qələbəni şərh edib:
"Qələbə qazandığımıza görə şadam. Komandamızın oyununda sərtliyi bəyəndim. Heç kimi fərqləndirmək istəməzdim. Növbəti oyunlarda da aqressiv olmalıyıq. Fikrimiz tam olaraq oyunda olmalıdı. Ötən oyunda 22 top itirmişdik. Amma bu dəfə ilk periodu ümumiyyətlə səhvsiz başa vurduq. Qələbənin açarı müdafiədədi. Bəzi anlarda rəqibə 24 saniyə ərzində ümumiyyətlə atış imkanı vermədik".
Qeyd edək ki, “Sabah” "Xəzri"ni 94:63 hesabı ilə məğlub edərək seriyada bərabərliyə nail olub.
Digər xəbərlər
