"İkinci oyun sanki bumeranq oldu. Bu dəfə eyni şəkildə onlar bizə cavab verdilər. Çox səhv etdik. Bu da bir qədər birinci oyunun verdiyi rahatlıqdan irəli gəlir. Lakin bu finaldı və finalda səhvlər bağışlanmır. Rəqib çox yaxşı komandadı. İlk 5 basketbolçularından skamya oyuncularına qədər məşqçi heyəti hamıya tanış simadı. Çətin olsa da, bu anlarda beyni tam boşaldıb oyuna köklənmək lazımdı. Endər Poladxanlı qayıtdı, legioner basketbolçular da daha aqressiv idi. Biz isə onlardan fərqli bir qədər rahat idik. Məqsədimiz 3-cü oyunu udub, çempionluğa bir addım daha yaxınlaşmaqdı. Finala qədər gəlmişiksə, məqsədimiz çempionluqdu. Bunun üçün ilk addımı atmışıq. Növbəti iki oyunu da qazanıb çempion olmaq istəyirik".

"İlk oyunda iki əsas oyunçumuz - Endər Poladxanlı və Alikamran Məmmədov yox idi. "Xəzri" güclü komandadı. Qarşıdakı oyunlar asan olmuyacaq. İlk matçda böyük fərqlə məğlub olmağımıza baxmayaraq, ikinci oyuna yaxşı hazırlaşdıq və bu dəfə biz böyük hesabla qalib gəldik. Əlimizdən gələni edirik ki, çempion adını qoruyaq. İnaniram ki, qalib gələcəyik".