"Rimas Kurtinaytisin gəlişi çox yaxşı xəbərdi. Belə güclü mütəxəssis ölkəmizə gəldikdə çempionatın adı, səviyyəsi, nüfuzu qalxır. "Sabah" daha böyük uğurlar qazanacaq. Mən özüm də oyunçu kimi Kurtinaytisin rəhbərliyi altında çalışmışam. Nə qədər çox belə güclü mütəxəssis gəlsə, çempionatımız üçün faydalıdı. Həm də güclü oyunçuların ölkəmizə gəlməsi yolunda böyük təkandı. Biz heç nədən çəkinmirik. Öz proqramımız, sistemimiz var. Kurtinaytisə qarşı oynamaq daha da maraqlı olacaq. "Qala"da birgəydik, amma bundan sonra rəqib olacağıq. Uğurlar arzulayıram və inanıram ki, onunla birlikdə "Sabah" çox irəli gedəcək".

"Öncəliklə Kurtinaytisə xeyirli, uğurlu mövsüm arzulayıram. Önəmli bir məşqçidi. Onun gəlişi ilə "Sabah" daha da güclənəcək, fərqli oynayacaq. Öz nəzərimdən buna sevinirəm. Çünki liqaya dəyərli məşqçinin gəlməsi çempionatın marka dəyərini daha da artırır. Ümid edirəm ki, hər şey daha yaxşı olacaq. Onun karyerası bəllidi. Daha öncə burda milli komanda ilə işləyib. Basketbolun inkişafının müəyyən səviyyələrində kömək edib. Fərqli oyunçular yetişdirmiş, dəyərli məşqçidi. Ona hörmətim var. Mən bura çempion olmaq hədəfi ilə gəlmişəm. Sona qədər də bunun üçün mübarizə aparacıq. Buna görə "Sabah"dan və ya Kurtinaytisdən çəkinəcəyim heç bir şey yoxdu. Bu bir idmandı və komandasını yaxşı hazırlaşdıran mövsüm sonunda istədiyi hədəfə çata bilər. Ondan heç bir şəkildə çəkinmirəm, əksinə, onunla qarşılaşmağı səbirsizliklə gözləyirəm".

"Vaxtilə bizə də məşq keçib. Çox yaxşı, intizam sevən biridi. Məncə, titullarını saymağa dəyməz. Çünki onu bütün dünya tanıyır. Bizim çempionata belə məşqçinin gəlməsini çox müsbət qarşılayıram. Uzun illər sonra çempionatımıza titullu məşqçi gəlir. İstərdim ki, gəcəkdə ölkəmizə belə məşqçilər daha çox gəlsin. "Sabah"ı daha da qaldıracaq. Amma biz bundan çəkinmirik. Çəkinəcək heç bir şey yoxdu. Kurtinaytislə oyunçu kimi işləmişəm. İndi ona qarşı məşqçi kimi rəqib olmaq mənim üçün daha da şərəfli olar. Artıq daha maraqlı və zövqlü olacağına inanıram".

“Azərbaycanda rəqabətli liqa yaradılıb. “Sabah” futbol klubunun himayəsi altında yaradılan eyniadlı basketbol komandası ölkə çempionu olub. Litvanın heç də bütün klubları əcnəbi basketbolçulara “Sabah” qədər maaş verməyə hazır deyil. 18 ildən sonra qayıdıram. Azərbaycanda olmuşam, orda işlərin necə getdiyini, hamımızın sıfırdan necə başladığımızı bilirəm. Liqa qurduq, milli komanda yığdıq, yığma ilə İslamiadanı qazandıq. Yeri gəlmişkən, yarımfinalda bir neçə il sonra Yay Olimpiya Oyunlarında çıxış edən İrana qalib gəldik. Düzü, “Qala” klubunun hələ də mövcud olub-olmadığını bilmirəm”.