“Ən azı mövsümü “Araz-Naxçıvan”dan irəlidə bitirmək üçün qalib gəlməliyik” – “Kəpəz”in Əlisi
Misli premyer-liqasının 35-ci turunun “Kəpəz” - “Zirə” (0:1) matçı qonaqların qələbəsi ilə yekunlaşdı.
“Sarı-göylər”in futbolçusu Əli Səmədov oyundan sonra “Football-plus.az”ın suallarını cavabladı.
“Oyuna yaxşı hazırlaşmışdıq. Məşqçilərin tapşırığından da bilirdik ki, “Zirə” avrokuboklara iddialı komandadı, çətin görüş olacaq. Buna baxmayaraq, komanda mübarizə apardı. Deməzdim ki, daha yaxşı oynadıq, daha çox hücum etdik. Amma sona qədər mübarizə aparıb, döyüşdük. Bir səhvimizdən qol buraxdıq və bu da nəticəyə təsir etdi.”
- Zədəlilərin, cəzalıların komandaya kömək edə bilməməsi bu oyuna təsir etdi?
– Çox təsir etdi. İrəlidə çıxış edən futbolçulardan Kvirkviya bərpa oluna bilmədi, yenə sıradan çıxdı. Həmin oyunçuların yoxluğu hücum xəttində özünü göstərir.
- Rəqibin vurduğu qola komanda şəklində etiraz etdiz. Səbəbini bilmək olar?
- Etirazımız əllə bağlı idi. Hansı futbolçu olduğunu xatırlamıram, amma sonradan epizoda baxdıqda yenə əl olduğunu gördük. Baş hakim isə əlin qapalı olduğunu bildirdi. Yenə də baxıb dəyərləndirmək olar. Lakin daha olan oldu. Geridönüş yoxdu.
- Ümumiyyətlə, hakim idarəçiliyini necə şərh edərdin? Nəzərə alsaq ki, son dəqiqələrdə sarı vərəqələrin sayı artmışdı…
- Normal idarəçilik aparıldı. Sona doğru bir az aqressivlik başlamışdı. Uduzurduq deyə daha çox etiraz edirdik. Həmçinin onlar da vaxtı yubadırdı.
- Sonuncu turda “Turan Tovuz”la qarşılaşacaqsız. Artıq nəticənin heç bir önəmi yoxdu. Oyuna necə köklənəcəksiz?
-Sonuncu turda qərb derbisidi. Ən azı mövsümü “Araz-Naxçıvan”dan irəlidə bitirmək üçün qalib gəlməliyik. Həmçinin bu derbinin tarixi var. Azarkeşlərimizi sevindirmək üçün qalib gəlməliyik.
