Premyer-liqanın 12-ci turunda "Sabah" - "Qəbələ"ni məğlub etdi - 2:1

Football-plus.az xəbər verir ki, görüşdən sonea keçirilən mətbuat konfransında qonaqların baş məşqçisi Elmar Baxşıyev etdikdən sonra jurnalistlərin suallarını cavablandırdı:

"Oyunun ağır olacağını bilirdik. Rəqib iddialıdı. Komanda meydançada yaxşə mübarizə apardı, oyunun dinamikası yüksək idi. Belə məğlubiyyət ağırdır. Belə məğlubiyyətlər bizi daha güclü etməlidi".

- Komanda yaxşı mübarizə apardı. Bu oyunun sirri nədi?
- Bəziləri komandanın daxilində nəsə baş verdiyini düşünür. Xal itiriləndə düşünürlər ki, fiziki durum yaxşı deyil. Komanda daxilində hər şey qaydasındadır, yüksək motivasiyamız var. İlk dəqiqələrdən də istəkli idik. Mənim anlayışımda "qara zolaq" yoxdu. Bir qələbədən sonra heç kim bu haqda danışmır.

- 3 futbolçunuz zədələndi. Bu, planlarınıza necə təsir etdi? Zədəlilərin durumu nə yerdədi?
- Hələ dəqiq nəsə deyə bilmərik. Mənim fikrimcə, Elvin Camalov ikinci sarı vərəqəni almalı idi. "Sabah"ın qələbəsinə kölgə salmaq istəmirəm. Hücuma keçirdik və oyunçumuzu əllə saxladılar. Həmin epizodda Elvin Camalov ikinci vərəqəni görməliydi. Bu, oyunun qırılma anı idi.

- Bugünkü məğlubiyyət qarşıdakı oyunlara necə təsir edəcək?
- Son oyunlarda xal itirmişik. Çalışırıq ki, komandanı gərginlikdən uzaq saxlayaq. Hər matç bir-birindən fərqlənir. Futbolda belə nəticələr olur. Kim deyərdi ki, biz evdə "Kəpəz"lə heç-heçə edək? Hər oyun fərqlidi.