“Bəzi yeni şeyləri sınaqdan keçirmək məcburiyyətindəyik. Futbolçu axtarışında olduğu kimi, məşqçi axtarakən də yaxşı təhlillər etdikdə səhvə yol vermək ehtimalı azalır. Bu məsələnin üzərində çox çalışırıq. Türkiyə və İngiltərə də daxil olmaqla Avropanın hər yerində istedadlı məşqçiləri izləyirik. Təbii ki, diqqətimizi çəkən məşqçilər var. Rosenyorla vidalaşandan sonra bəlkə də 20 məşqçini diqqət mərkəzində saxlamağa başlamışıq. Adlarını açıqlamaq istəmirəm. Çünki bu, gizli məsələdi. Amma hansı məşqçi ilə maraqlandığımızı söyləsəm, əminəm ki, fanatlarımız bununla qürur duyar. Hazırda dünyanın bir çox tanınmış məşqçisi klubumuza gəlməyə can atır. Bu da qürur duyulası məqamdı. Bir nömrəli hədəfimiz artıq bəllidi. Bu, Tim Valterdi. Onunla bir neçə dəfə görüşmüşük. Fəlsəfə və baxış tərzimizin üst-üstə düşüb-düşmədiyini müəyyənləşdirməyə çalışırıq. Araşdırmalarımız zamanı onun haqda yalnız xoş sözlər eşitdik”.