Tanınmış türkiyəli iş adamı və şoumen Acun Ilıcalı yenidən ''Fənərbaxça''ya üz tutub.

"Football-plus.az" xəbər verir ki, o, , sahibi olduğu çempionşip təmsilçisi ''Hall Siti''yə ''Fənər''dən daha bir ismi gətirmək istəyir. Xatırladaq ki, Acun İstanbul nəhəngindən öz klubuna artıq Ozan Tufan, Allahyar Səyyadmaneş və Dimitris Pelkas kimi futbolçuları cəlb edib. Amma bu dəfə Ilıcalı gözünü ''sarı-lacivərdlilər''in baş skautu Şenol Çorluya dikib. Acun Çorlunu həm ''Hall Siti''nin ''altyapı''sının başına gətirmək, həm də onu komandanın baş skautu etmək istəyir. Çorlu təklif aldığını təsdiqləsə də, rəhbərliyin icazəsi olmadan heç yerə gedə bilməyəciyini vurğulayıb. Yəni son sözü ''Fənər''in başqanı Əli Koç söyləyəcək. Qeyd edək ki, uzun illərdi ''Fənər''in U-21 komandasını çalışdıran Çorlu 2020/21 mövsümünün son 1 ayında komandanı meydana baş məşqçi kimi çıxarırdı.

Çünki məşqçi səlahiyyətlərini icra edən Əmrə Belözoğlunun lisenziyası yox idi. 60 yaşlı Çorlu klubun əfsanələrindən biri sayılır. O, 1984-91-ci illərdə ''Fənər''in şərəfini qoruyub və 2 dəfə çempionluq sevinci yaşayıb.