Çərşənbə axşamı İspaniya çempionatında 36-cı turun ilk üç oyunu keçirildi.

“Football-plus.az” xəbər verir ki, 34-cü turdan – “Kadis” üzərində qələbədən sonra tarixindəki 36-cı çempionluğu qazanan “Real” sürəti azaltmaq fikrində deyil. Ötən tur “Qranada”nın qapısından 4 cavabsız top keçirən “ağ şimşəklər” bu dəfə “Alaves”i daha pis günə qoydu. Meydan sahibləri artıq ilk yarıda oyunun taleyi ilə bağlı bütün suallara son qoydu. 10-cu dəqiqədə Bellingem hesabı açdı. Daha dəqiqi, ingiltərəli ulduzun uzaq dirək önünə ötürməsu tora daxil oldu. Cari mövsümdə 19-cu qolunu vuran Cud bombardirlər yarışında Dovbikə bir addım yaxınlaşdı. 2-ci hissənin ortalarında Kamavinqanın asmasını tamamlayan Vinisius “Real”ın üstünlüyünü artırdı. Fasilə ərəfəsində isə Valverdə yaxın “9-luğ”a zərbə ilə fərqi darmadağın həddinə çatdırdı. İkinci hissə qarşılıqlı hücumlar şəraitində keçdi. Basklar Kurtuanı tez-tez narahat etməyə başlasalar da, belçikalı qapıçı keçilməz idi. “Alaves” isə daha iki dəfə təslim oldu. Əvvəlcə Vinisius dublunu rəsmiləşdirdi, ardından sonradan meydana çıxan Arda Gülər fərqləndi. Türkiyəli ulduz hələ start heyətinin daimi üzvünə çevrilməsə də, Ançelottinin özünü göstərmək üçün verdiyi hər şansdan yararlanmağa çalışır. Parlaq qələbə qazanan “Real” xalını artıq 93-ə çatdırıb. Madridlilər ürəyi istəyən oyunu göstərir, onlar hələ Çempionlar Liqasının finalı haqda düşünmür. “Alaves”in 4 oyunluq məğlubiyyətsiz seriyasına son qoyulsa da, komandanın turnir cədvəli ilə bağlı sıxıntısı yoxdu.

Çərşənbə axşamı “Jirona” ilə “Vilyarreal” da qarşılaşdı. ÇL-ə vəsiqəni rəsmiləşdirəndən sonra sanki Kataloniyanın kiçik təmsilçisi üçün mövsüm bitib. Ötən tur “Alaves”lə oyunda qələbəni 9-cu uzatma dəqiqəsində əldən verən “Jirona” bu dəfə evdə “Vilyarreal”a uduzdu. Maraqlıdı ki, “sarı sualtı qayıq” yalnız mövsümün sonunda ayılıb, hətta avrokuboklara vəsiqəyə də iddalıdı. Son 5 oyunun dördündə qələbə qazanan “Vilyarreal” 7-ci pillədəki “Real Sosyedad”dan 3 xal geri qalır.

Turun srağagün keçirilən digər oyununda “Osasuna” ilə “Malyorka” heç-heçəyə razılaşdı. Bu komandalar üçün də artıq heç bir turnir motivasiyası qalmayıb.

36-cı tur
Real – Alaves 5:0
Bellingem, 10. Vinisius, 27; 70. Valverde, 45+1. Gülər, 81.
Real: Kurtua, Mendi, Militao (Rüdiger, 72), Naço, Karvaxal, Kroos (Sebalyos, 72), Kamavinqa (Gülər, 62), Valverde (Martin, 82), Vinisius, Rodriqo, Bellingem.
Jirona – Vilyarreal 0:1
Traore, 59.
Jirona: Qassaniqa, Qutyerres (Fernandes, 75), Blind, Lopes, E.Qarsiya, Savio, Martin, A.Qarsiya, Errera (Portu, 75), Sıqankov (Vilya, 83), Dovbik.
Osasuna – Malyorka 1:1
Monkayola, 14 – Darder, 65.
Rayo Valyekano – Qranada 2:1
Lejen, 23. De Frutos, 80 – Boye, 89.
Sevilya – Kadis 0:1
Qvardiola, 90+6.
Selta – Atletik 2:1
Svedberq, 68. Alvares, 71 - Berenger, 23.
Xetafe – Atletiko 0:3
Qrizmann, 27; 45; 51.
“Las-Palmas” – “Betis”, “Almeriya” – “Barselona”, “Real Sosyedad” – “Valensiya” oyunları bu gün keçiriləcək.
1. Real 36 29 6 1 83-22 93
2. Barselona 35 23 7 5 72-43 76
3. Jirona 36 23 6 7 75-45 75
4. Atletiko 36 23 4 9 67-39 73
5. Atletik 36 17 11 8 58-37 62
6. Betis 35 14 13 8 46-41 55
7. Real Sosyedad 35 14 12 9 48-37 54
8. Vilyarreal 36 14 9 13 60-60 51
9. Valensiya 35 13 9 13 37-39 48
10. Xetafe 36 10 13 13 41-51 43
11. Alaves 36 11 9 16 34-45 42
12. Sevilya 36 10 11 15 47-50 41
13. Osasuna 36 11 8 17 40-54 41
14. Rayo Valyekano 36 8 14 14 29-44 38
15. Selta 36 9 10 17 42-54 37
16. Las-Palmas 35 10 7 18 30-44 37
17. Malyorka 36 7 15 14 29-41 36
18. Kadis 36 6 14 16 25-49 32
19. Qranada 36 4 9 23 37-70 21
20. Almeriya 35 2 11 22 35-70 17
Bombardirlər: Dovbik (Jirona) – 20, Sörlot (Vilyarreal), Bellingem (Real) - 19, Levandovski (Barselona) - 17, Budimir (Osasuna), Qrizmann (Atletiko) – 16.

Faktlar
* “Real” İspaniya çempionatında “quru” oyunların sayına görə yeni klub rekordu müəyyənləşdirdi. Madridlilər cari mövsümdə 20-ci dəfə qapısının toxunulmazlığını qorudular. 20 “quru” oyundan 10-u son iki oyunda ehtiyatda qalan Luninin, 7-si Kepanın, 3-ü Kurtuanın payına düşür. Əvvəlki rekord – 19 “quru” oyun – ardıcıl iki mövsümdə (1986/87, 1987/88) qeydə alınıb.
* Kurtua “Alaves”lə oyunda 10 seyv etdi. Kurtua La Liqa tarixinə “Real”ın son 16 ildə La Liqada bir oyunda 10 və daha artıq seyv edib, qapısını toxunulmaz saxlayan ilk qapıçısı kimi düşdü. Belçikalıya qədər bunu yalnız 2008-ci ilin yanvarında Kasilyas bacarmışdı – onda ispaniyalı “Saraqosa” ilə oyunda 11 dəfə seyv etməklə qapısını toxunulmaz saxlamışdı. Onu da xüsusi vurğulayaq ki, ağır menisk və xaçvari bağın qırılması zədəsi üzündən uzun müddət yaşıl meydandan kənarda qalan Kurtua cari mövsümdə keçirdiyi üç oyunun heç birində qol buraxmayıb.

Reaksiya
Karlo Ançelotti, “Real”ın baş məşqçisi: