Bu gün Azərbaycan və Avstriya milliləri AÇ-2024-ün seçmə mərhələsində Bakıda üz-üzə gələcək. Ölkə futbolunun başbilənləri daha çox azarkeş cəlb edilməsi məqsədilə matçın Tofiq Bəhramov adına Respublika stadionunda keçirilməsini təşkil edib.

Bəs, 31200 azarkeş tutumuna malik stadiona nə qədər azarkeş gələcək? İndiyə qədər neçə bilet satılıb?

AFFA-nın mətbuat xidmətinin rəhbəri Elnur Məmmədlinin “Football-plus.az”a verdiyi məlumata görə, bu gün saat 11.00-a qədər 4661 bilet satılıb.

Əlbəttə, bilet satışı davam edir. Axşama kimi hələ çox vaxt var. Lakin stadionunun heç olmasa 2/3-i dolmasa, gərək millinin niyə sevilmədiyini sorğulamağa başlayaq...

KƏNAN BAHADIR