Canluici Donnarummanın hazırkı klubunda daha çox oynamaq imkanı var.

PSJ onunla bağlı qərar verib. Jurnalist Canluka Di Martsionun yaydığı xəbərə görə, Paris klubu 25 yaşlı qapıçı ilə 2026-cı ilin yayında başa çatacaq müqavilənin müddətini uzatmaq istəyir. PSJ rəhbərliyi Avropa çempionu ilə danışıq aparmağı planlaşdırır. Planda Canluicinin komandanın kapitanı olmaq ehtimalı da nəzərdə tutulub.

Donnarumma Paris klubunda 2021-ci ilin yayından çıxış edir. O, cari mövsümdə bütün yarışlarda 40 matçda iştirak edib, 36 qol buraxıb və 16 matçda qapısını toxunulmaz saxlayıb.