Samsun təmsilçisi son olaraq öz meydanında debütant ''Çorum'' önündə pərən-pərən düşərək 1:5 məğlub oldu. ''Ağ-qırmızılar'' ilk 5 turun 3-də uduzaraq cəmi 4 xal toplayıblar. Fanatların başqan Yüksəl Yıldırıma və məşqçilər korpusuna etirazı hər həftə daha da artır.
Bu arada ''Çorum''a məğlubiyyətin ardından bir fanat paylaşımında etirazını bu sözlərlə qeyd etdi:
''Samsunspor''un səhmləri Yüksəl Yıldırımın ola bilər. Amma ''Samsunspor''un sahibi o deyil. Bu komandanı o yaratmayıb. 1 veribsə, əvəzində 11 alıb. İnkar edirsə, hesab-kitabı ortaya çıxarsın və hər kəs nə olduğunu görsün. ''Samsunspor''un yalnız bir həqiqi sahibi var. O da bizik''.
Maraqlıdı ki, çox keçmədən başqan Yüksəl Yıldırım özü şəxsən bu paylaşımın altında şərh yazıb və fanatı görüşə dəvət edib:
''Bu axşam gəl bazaya. Hesab-kitabını da gətir. Bütün hesabları görək. Sən də qurtul, mən də qurtulum. Bank hesabını da gətir ki, fanatlar öz yeni pullu prezidentini tanısın. Sayəndə klub əmin əllərdə olsun və qapı-qapı dilənməsin''.
