“Necə külək olur-olsun, dirək aşa bilməz” – “Turan Tovuz” rəsmisi söz verdi
"Turan Tovuz" "Sumqayıt"a 1:4 hesabıyla məğlub olduğu oyunda Tovuz stadionundakı projektorların silkələnməsi adamları qorxuya salıb. Ki, birdən “Araz–Naxçıvan” oyundakı hadisə təktrarlanar. Xatırladaq ki, həmin oyunda stadionun işıq dirəklərindən biri külək üzündən qazona aşmışdı.
Azarkeşlərin narahatlığı ilə bağlı “Turan Tovuz”un idarə heyətinin sədr müavini, infrastruktur və maliyyə üzrə direktoru Əli Babakişiyevə ünvanladıq:
“Orda bir problem yoxdu. Tutaq ki, “Qəbələ”nin də stadionuna getsək, azacıq külək olanda dirəklər tərpənir. Texnologiyası elədi ki, amortizasiya verməlidi. Dirəkdə ağır nə varsa, hamısını götüzdürmüşük. Dirəyin aşmaq ehtimalı sıfra bərabərdi. İnsanlar təşvişə düşür. Hamının indiki texnologiyadan başı çıxa bilməz. Onların da narahatlığına bir söz demirəm. Həqiqət ondan ibarətdi ki, necə külək olur-olsun, dirək aşa bilməz”.
ƏSƏD SEYİDOV
Digər xəbərlər
